වර්ගජ ප්‍රකාශනවල සාධක_පෙර දැනුම
වර්ගජ ප්‍රකාශනවල සාධක සොයමු.
මෙම පාඩම ඉගෙනීමෙන් ඔබට,
● ත්‍රිපද වර්ගජ ප්‍රකාශනයක සාධක සෙවීමට
● වර්ග දෙකක අන්තරයක් දැක්වෙන ප්‍රකාශනවල සාධක සෙවීමට හැකියාව
ලැබෙනු ඇත.
වීජීය ප්‍රකාශනවල සාධක පිළිබඳ පෙර දැනුම පිරික්සමු.
2x + 6 යනු ද්විපද වීජීය ප්‍රකාශනයක් බව අපි දනිමු.
එය 2(x + 3) ලෙස දැක්විය හැකි නිසා, 2 හා x + 3 එහි සාධක බව ද දනිමු.
එසේම, 4x2 + 6x = 2x(2x + 3) නිසා
2, x හා (2x + 3) යනු 4x2 + 6x හි සාධක වේ.
a2 – 2a +ab – 2b හි සාධක සොයමු.
a2 – 2a +ab – 2b = a(a – 2) + b(a – 2)
= (a – 2)(a + b)
එනම්, a2 – 2a +ab – 2b හි සාධක (a – 2) හා (a + b) වේ.
අහන්න
අහන්න
මීට කලින් උගත්, ඉහතින් දැක්වූ සාධක වෙන් කිරීමේ අවස්ථා තවදුරටත් මතක් කරගැනීමට පහත අභ්‍යාසයේ යෙදෙන්න.
පහත දැක්වෙන ක්‍රියාකාරකම කර Finish යන වචනය මත ක්ලික් කරන්න. ( මෙම අභ්‍යාසයෙහි ඇති කුඩාම කො‍ටුව තුල ධන හෝ ඍණ ලකුණ පමණක් ටයිප් කරන්න. Keyboard එකෙහි space bar භාවිතා නොකර හිස්තැන් පුරවන්න.)
එවිට ලැබෙන "Check my answers" මත ක්ලික් කරන්න. දැන් ඔබ ක්‍රියාකාරකමට ලබාගත් ලකුණ ප්‍රශ්න පත්‍රය උඩම කෙලවරෙහි දැක්වෙනු ඇත.