සබරගමුව “සහන් පියස” (ක්ෂණික ඇමතුම්: 702027575)
(Online counseling room for school students)
“දරුවා කෙරෙහි ආදරය, ආරක්ෂාව හා අවධානය දීම අපගේ වගකීමයි.”
ඉහත වැකිය 2015 වසරේ අපගේ ආදර්ශ පාඨය විය. එය අද 2020 වසරේදී, Covid 19 ව්‍යසනය සමඟ වඩාත් අර්ථවත් වන සෙයක් අපට දැනේ.
එබැවින් අනපේක්ෂිත ලෙස විධිමත් අධ්‍යාපන අවස්ථා අහිමිව නිවස තුලටම වී සිටින අපේ දරුවන්ට බලපාන යම් යම් ගැටළු වෙනුවෙන් සහනශිලි සත්කාර සඳහා, හැකි උපරිමසේවාවක් සැපයීම පිණිස සබරගමුව පළාත් ආණ්ඩුකාරවර ගරු ටිකිරි කොබ්බෑකඩුව මැතිතුමාගේ සංකල්පයක් මත මෙම “ සහන් පියස” ශිෂ්‍ය උපදේශන කවුලුව අරඹන ලදී.
Covid 19 කාලසීමාව තුල දී මෙන්ම ඉන් අනතුරුව පාසලේදීත්, සමාජයේදීත් වැනි විවිධ ස්ථානවල දී, විවිධාකාරයෙන් දරුවාට මුහුණ දීමට සිදුවන ගැටළු වලක්වාලීමට දරුවාට උපකාර කිරීම “සහන් පියස” මඟින් සිදුකෙරේ.
මෙම කවුලුව මඟින් මතු සඳහන් සේවා සැපයීමට අපේක්ෂිතය.
I. මතුවිය හැකි ගැටළු පිළිබඳ පුර්ව විවරණ/දැනුම්දීම ලබාදීම.
II. මතු වී ඇති/ මතුවන ගැටළු කළමනාකරණයට පොදු උපදේශන සේවා ලබාදීම.
III. විශේෂ ගැටළු නිරාකරණයට අවශ්‍ය මඟපෙන්වීම් ලබාදීම.
IV. උපදේශන අවශ්‍යතා සඳහා ස්වේච්ඡා වෘත්තීය උපදේශකවරු හදුන්වාදීම.
V. ශිෂ්‍ය මාර්ගෝපදේශ, දේශන , පරිශීලන ද්‍රව්‍ය ඇතුලත් කිරීම්.
VI. විශේෂ තත්ත්ව වලදී යහ සන්නිවේදන මාධ්‍යක් ලෙස යොදා ගැනීම.
VII. කාලීන සංවාද කවුලුවක් ලෙස භාවිතා කිරීම
· මෙම “සහන් පියසේ ” ඵල ලබන ලෙස දරුවන්ට ආරාධනා කරමු.
· මෙම “සහන් පියස” කවුලුවට උචිත දරුවන්/පුද්ගලයන් යොමු කරන ලෙස ගුරු දෙගුරුන්ගෙන් ඉල්ලා සිටිමු.
· මෙම “සහන් පියස ” කවුලුවට එක්වන ලෙස වෘත්තිකයන්ගෙන් ඉල්ලා සිටිමු.
· “සහන් පියස” ට උචිත කරුණු කාලීන සංවාද එක් කරන ලෙස (වෘත්තීය මට්ටමින්) බාල, තරුණ, වැඩිහිටි, සියලුදෙනාගෙන්ම ඉල්ලා සිටිමු.
· “සහන් පියස” ට සුපසන් සමාජයක් සඳහා දායකවීමට එකතු වෙමු. සුබ පතමු.
ක්ෂණික ඇමතුම්: 071 810 8324
එස්.කුරුප්පු ආරච්චි
සබරගමුව පළාත් අධ්‍යාපන අධ්‍යක්ෂ
