Sabaragamuwa Online Exam 2021

2021 ජනවාරි මස 18 දින සිට 29 දින දක්වා සබරගමුව පළාත් අධ්‍යාපන දෙපාර්තමේන්තුවේ මෙහෙයවීමෙන් පවත්වන ලද අ.පො.ස සාමාන්‍ය පෙළ විභාගය සඳහා වූ ලංකාවේ පළමු මාර්ගගත පෙරහුරු පරීක්ෂණයේ ප්‍රශ්න පත්‍ර සියල්ලටම නැවත මාර්ගගත ක්‍රමවේදයට (Online) පිළිතුරු සපයා පුහුණුවීමේ අවස්ථාව සහ ඊට අදාල පිළිතුරු පත් සමග මුද්‍රණ පිටපත් ලබාගැනීමේ අවස්ථාව සලසා ඇත.
ඒ සඳහා පහත සබැඳිය ඔස්සේ පිවිසෙන්න.



අපේ අරමුණ ඔබ වෙනුවෙන්...


සති පාසල් වැඩසටහන - කොවිඩ් -19 වසංගතය තුළ ස්වයං ඉගෙනීම වැඩි දියුණු කිරීම සඳහා දරුවන් වෙත ස්වයං අධ්‍යයන කාර්ය පත්‍රිකා සැපයීමේ වැඩසටහනකි. සබරගමුවේ අප, පන්ති කාමර ඉගෙනුම් සහ ඉගැන්වීම් ක්‍රියාවලිය සඳහා “දියමන්ති ව්‍යාපෘති” ඉලක්ක අනුව විෂයමාලාව සහ පාඩම් ආවරණය කිරීම සදහා සතිපතා ස්වයං අධ්‍යයන කාර්ය පත්‍රිකා පෙළගස්වා ඇත. මෙම ස්වයං අධ්‍යයන කාර්ය පත්‍රිකා සිසුන්ගේ දොරකඩට අන්තර්ජාලය හා මුද්‍රිත පත්‍රිකා ආකාරයෙන් ද ලබා දේ. කොරෝනා වසංගතය හමුවේ දරුවන්ට ස්වයං අධ්‍යයන කාර්ය පත්‍රිකා තමන්ට ආසන්නතම පාසලින් ලබා ගැනීමටද අවශ්‍ය පහසුකම් සපයා ඇත.

LAK FM - OL REVISION

Lak FM සා.පෙළ පුනරීක්ෂණ

ඊ-නැණපියස-ලක් එෆ් එම් සාමාන්‍ය පෙළ පුණරීක්ෂණ වැඩසටහන - කොරෝනා වසංගතය හමුවේ දරුවන්ගේ අධ්‍යාපන කටයුතු අඛණ්ඩව සිදුකරගෙන යාම සදහා උපකාරී වීම පිණිස සබරගමුව පළාත් අධ්‍යාපන දෙපාර්තුමේන්තුව සහ ලක් එෆ් එම් මාධ්‍ය ආයතනය සමග එක්ව දියත් කරනු ලබන සත්කාර්යයකි. ශ්‍රී ලාංකේය ශිෂ්‍ය ප්‍රජාවට නවමු අත්දැකීමක් එක් කරමින් අන්තර්ක්‍රියාකාරී පාඩම් මගින් මෙවර අ.පො.ස. සාමාන්‍ය පෙළ විෂයයන් හදාරන 10 සහ 11 ශ්‍රේණි වල දරුවන් වෙනුවෙන් සකස් කරන ලද පුනරීක්ෂණ පාඨමාලාවකි. ලෝකයේ ඕනෑම තැනක සිට තමන් කැමති ඕනෑම අවස්ථාවක ඊනැණපියස වෙත පිවිස පුනරීක්ෂණ පාඩම් වල නිරතවීමට හැකි අතර, ඕනෑම වාර ගණනක් නැවත නැවතත් උත්සාහ කිරීමට ද අවස්ථාව ඇත.

THE MISSION OF DISTANCE LEARNING - SABARAGAMUWA

සබරගමු දුරස්ථ අධ්‍යාපන මෙහෙවර ජාතික මට්ටමේ ඇගයීමට ...

INTERACTIVE LESSONS

අන්තර්ක්‍රියාකාරී පාඩම්

අන්තර්ක්‍රියාකාරී පාඩම් - සිසුන්ට ඔවුන් විසින්ම ක්‍රියාකාරීව පාඩම් කටයුතු වල නිරත විය හැකි මෙන්ම, සිසුන්ගේ ප්‍රතිචාර ඇතුළත් ද්වි-මාර්ග ඉලෙක්ට්‍රොනික සන්නිවේදන ක්‍රම රාශියකින් සම්බන්ධ විය හැකි ක්‍රියාකාරකම් මෙහි ඇතුලත් ය. අපගේ ගුරුවරුන් අන්තර්ක්‍රියාකාරී වීඩියෝ, අන්තර්ක්‍රියාකාරී ඉදිරිපත් කිරීම්, ෆ්ලෑෂ් කාඩ්, ඇදගෙන යාම, හිස් තැන් පිරවීම, බහුවරණ, 360 වීඩියෝ, ඩික්ටේෂන්, රචනා, ප්‍රහේලිකා, ක්‍රීඩා සහ තවත් බොහෝ දේ භාවිතා කරමින් අන්තර්ක්‍රියාකාරී පාඩම් නිර්මාණය කරති. එය සිසුන්ට මෙන්ම ගුරුවරුන්ට ද නව ඉගැන්වීම් ඉගෙනුම් අත්දැකීමක් වන බව අපගේ හැගීම යි. මෙය ලාංකේය ඉගෙනුම් ඉගැන්වීම් ක්‍රියාවලියේ හැරවුම් ලක්ෂයක් වන බව නොඅනුමාන ය.

LEARNING MATERIALS

ඉගෙනුම් ද්‍රව්‍ය/ආධාරක

ඉගෙනුම් ද්‍රව්‍ය/ආධාරක - ඔබට ශ්‍රව්‍ය, දෘශ්‍ය, සබැඳි, සජීවී විකාශනය, පී.ඩී.එෆ්, පසුගිය වාර විභාග ප්‍රශ්න පත්‍ර, මාර්ගගත විභාග සහ වෙනත් ඉගෙනුම් උපකාරක අවස්ථාවන් මෙතැනින් සොයාගත හැකිය. Covid-19 වසංගත තත්ත්වය තුළ, අපි 10 සහ 11 ශ්‍රේණිවල සිසුන් සඳහා විශේෂයෙන් සකස් කරන ලද වීඩියෝ පාඩම් මාලාවක් පවත්වානෙ යන්නෙමු.

SMART SCHOOL PRACTICES

පාසල් පියස

පාසල් පියස - සබරගමුවේ පාසල් වල විශිෂ්ඨ ලෙස ක්‍රියාත්මක දුරස්ථ අධ්‍යාපන ව්‍යවහාරයන් ලංකාවේ සමස්ථ ගුරු හා ශිෂ්‍ය ප්‍රජාව වෙනුවෙන් දායක කරලීම අරමුණු කරගෙන සකස් කරන ලද පොදු වේදිකාවකි.


Counselling Room

සහන් පියස

සහන් පියස - මෙමගින් සිසුන්ට ඔවුන්ගේ අධ්‍යයන කටයුතු වලට මෙන්ම මානසික යහපැවැත්මට ද බාධාවක් විය හැකි පුද්ගලික ගැටලු විසඳීමට උපකාර කිරීම සිදු කරනු ලබයි. මෙහිදී අපි වෘත්තීය උපදේශන ගුරුවරුන් මෙන්ම වෛද්‍යවරුන් සමඟ උපදේශන සහාය අවශ්‍ය සිසුන්ට සම්බන්ධ වීමට ඉඩ ප්‍රස්ථාව සකසන්නෙමු. Covid-19 වසංගතය වැනි තත්වයක් තුලදී සිසුන්ට සෞඛ්‍ය සම්පන්නව සිටීමට අවශ්‍ය අමතර උපකාර කිරීම් සඳහා අපි සූදානම්ව සිටින්නෙමු.
අමතන්න: 071 810 8324
පිවිසෙන්න: සහන් පියස

Contact

ඔබේ අදහස් අපට කියන්න.

Location:

ගැටන්ගම, රත්නපුර, ශ්‍රී ලංකාව

Call:

+94 45 2222 097

පූරණය වෙමින් පවතී....
ඔබගේ පණිවිඩය සාර්ථකව යවන ලදී. ස්තුතියි!