ශ්‍රේණි/විෂයය අනුව ඉගෙනුම් ක්‍රියාකාරකම්
මාර්ගගත පෙරහුරු පරීක්ෂණ
ඊ-නැණපියස මාර්ගගත පෙරහුරු පරීක්ෂණ - ශ්‍රී ලාංකේය ශිෂ්‍ය ප්‍රජාවට නවමු අත්දැකීමක් එක් කරමින් මාර්ගගත පෙරහුරු විභාග සංකල්පය ශ්‍රී ලංකාවට හඳුන්වාදුන් පුරෝගාමී අධ්‍යාපන මෙහෙවර සබරගමුව පළාත් අධ්‍යාපන දෙපාර්තමේන්තුවේ දුරස්ථ අධ්‍යාපන ප්‍රවර්ධන ශාඛාවේ මෙහෙයවීමෙන් පිදෙන තවත් සද්කාර්යයකි. මෙතෙක් පැවති සියලු මාර්ගගත පෙරහුරු පරීක්ෂණ වල ප්‍රශ්න පත්‍ර සියල්ලටම නැවත මාර්ගගත ක්‍රමවේදයට (Online) පිළිතුරු සපයා පුහුණුවීමේ අවස්ථාව සහ ඒවායේ පිළිතුරු පත් ද සමග මුද්‍රණ පිටපත් ලබාගැනීමේ අවස්ථාව ද සලසා ඇත. ලෝකයේ ඕනෑම තැනක සිට තමන් කැමති ඕනෑම අවස්ථාවක ඊනැණපියස වෙත පිවිස මෙම පෙරහුරු පරීක්ෂණ වල නිරතවීමට හැකි අතර, ඕනෑම වාර ගණනක් නැවත නැවතත් උත්සාහ කිරීමට ද අවස්ථාව ඇත.
සා.පෙළ පුනරීක්ෂණ
ඊ-නැණපියස සාමාන්‍ය පෙළ පුණරීක්ෂණ වැඩසටහන - කොරෝනා වසංගතය හමුවේ දරුවන්ගේ අධ්‍යාපන කටයුතු අඛණ්ඩව සිදුකරගෙන යාම සදහා උපකාරී වීම පිණිස සබරගමුව පළාත් අධ්‍යාපන දෙපාර්තුමේන්තුව මගින් දියත් කරනු ලබන සත්කාර්යයකි. ශ්‍රී ලාංකේය ශිෂ්‍ය ප්‍රජාවට නවමු අත්දැකීමක් එක් කරමින් අන්තර්ක්‍රියාකාරී පාඩම් මගින් මෙවර අ.පො.ස. සාමාන්‍ය පෙළ විෂයයන් හදාරන 10 සහ 11 ශ්‍රේණි වල දරුවන් වෙනුවෙන් සකස් කරන ලද පුනරීක්ෂණ පාඨමාලාවකි. ලෝකයේ ඕනෑම තැනක සිට තමන් කැමති ඕනෑම අවස්ථාවක ඊනැණපියස වෙත පිවිස පුනරීක්ෂණ පාඩම් වල නිරතවීමට හැකි අතර, ඕනෑම වාර ගණනක් නැවත නැවතත් උත්සාහ කිරීමට ද අවස්ථාව ඇත.
අන්තර්ක්‍රියාකාරී පාඩම්
අන්තර්ක්‍රියාකාරී පාඩම් - සිසුන්ට ඔවුන් විසින්ම ක්‍රියාකාරීව පාඩම් කටයුතු වල නිරත විය හැකි මෙන්ම, සිසුන්ගේ ප්‍රතිචාර ඇතුළත් ද්වි-මාර්ග ඉලෙක්ට්‍රොනික සන්නිවේදන ක්‍රම රාශියකින් සම්බන්ධ විය හැකි ක්‍රියාකාරකම් මෙහි ඇතුලත් ය. අපගේ ගුරුවරුන් අන්තර්ක්‍රියාකාරී වීඩියෝ, අන්තර්ක්‍රියාකාරී ඉදිරිපත් කිරීම්, ෆ්ලෑෂ් කාඩ්, ඇදගෙන යාම, හිස් තැන් පිරවීම, බහුවරණ, 360 වීඩියෝ, ඩික්ටේෂන්, රචනා, ප්‍රහේලිකා, ක්‍රීඩා සහ තවත් බොහෝ දේ භාවිතා කරමින් අන්තර්ක්‍රියාකාරී පාඩම් නිර්මාණය කරති. එය සිසුන්ට මෙන්ම ගුරුවරුන්ට ද නව ඉගැන්වීම් ඉගෙනුම් අත්දැකීමක් වන බව අපගේ හැගීම යි. මෙය ලාංකේය ඉගෙනුම් ඉගැන්වීම් ක්‍රියාවලියේ හැරවුම් ලක්ෂයක් වන බව නොඅනුමාන ය.ඉගෙනුම් ද්‍රව්‍ය/ආධාරක
ඉගෙනුම් ද්‍රව්‍ය/ආධාරක - ඔබට ශ්‍රව්‍ය, දෘශ්‍ය, සබැඳි, සජීවී විකාශනය, පී.ඩී.එෆ්, පසුගිය වාර විභාග ප්‍රශ්න පත්‍ර, මාර්ගගත විභාග සහ වෙනත් ඉගෙනුම් උපකාරක අවස්ථාවන් මෙතැනින් සොයාගත හැකිය. Covid-19 වසංගත තත්ත්වය තුළ, අපි 10 සහ 11 ශ්‍රේණිවල සිසුන් සඳහා විශේෂයෙන් සකස් කරන ලද වීඩියෝ පාඩම් මාලාවක් පවත්වානෙ යන්නෙමු.
පාසල් පියස
පාසල් පියස - සබරගමුවේ පාසල් වල විශිෂ්ඨ ලෙස ක්‍රියාත්මක දුරස්ථ අධ්‍යාපන ව්‍යවහාරයන් ලංකාවේ සමස්ථ ගුරු හා ශිෂ්‍ය ප්‍රජාව වෙනුවෙන් දායක කරලීම අරමුණු කරගෙන සකස් කරන ලද පොදු වේදිකාවකි.සහන් පියස
සහන් පියස - මෙමගින් සිසුන්ට ඔවුන්ගේ අධ්‍යයන කටයුතු වලට මෙන්ම මානසික යහපැවැත්මට ද බාධාවක් විය හැකි පුද්ගලික ගැටලු විසඳීමට උපකාර කිරීම සිදු කරනු ලබයි. මෙහිදී අපි වෘත්තීය උපදේශන ගුරුවරුන් මෙන්ම වෛද්‍යවරුන් සමඟ උපදේශන සහාය අවශ්‍ය සිසුන්ට සම්බන්ධ වීමට ඉඩ ප්‍රස්ථාව සකසන්නෙමු. Covid-19 වසංගතය වැනි තත්වයක් තුලදී සිසුන්ට සෞඛ්‍ය සම්පන්නව සිටීමට අවශ්‍ය අමතර උපකාර කිරීම් සඳහා අපි සූදානම්ව සිටින්නෙමු.
මෙම ඉගෙනුම් කළමනාකරණ පද්ධතිය සිසුන්ගේ විභවයන් ඔප්නංවා, ඔවුන්ගේ අධ්‍යාපනය සවිබල ගන්වමින් ශ්‍රී ලාංකීය අධ්‍යාපන ක්‍රමය යහපත් දිශානතියකට යොමුකරවන්නක් වනු ඇති බව මාගේ විශ්වාසය යි.
eනැණපියස ඩිජිටල් වේදිකාව මගින් නවීන තාක්ෂණය මුසුවූ ආකර්ෂණීය ඉගෙනුම් අත්දැකීම් ජාතියේ දරුවන් වෙත ලඟා කරදීම අපගේ අරමුණයි.
දරුවා අවට ලෝකය යාවත්කාලීන වුවද අප භාවිතා කරනු ලබන ඉගෙනුම් ඉගැන්වීම් ක්‍රමවේද යාවත්කාලීන නොවීමේ ගැටළුවට කාලීන විසඳුමක් ලෙස eනැණපියස අධ්‍යාපන ක්ෂේත්‍රයේ නව පෙරළියකට මං පෙත් විවර කරනු ඇත.
ඔබේ අදහස් අපට කියන්න.
